love

If I could have just one wish,
I would wish to wake up everyday
to the sound of your breath on my neck,
the warmth of your lips on my cheek,
the touch of your fingers on my skin,
and the feel of your heart beating with mine...
Knowing that I could never find that feeling
with anyone other than you.

- Courtney Kuchta

पछ्यौरीमा अल्झिएको मन

तिमीलाई शहर पठाउन

म टाढासम्म आएँ

अनि, फर्कने बेला

सुटुक्क आफ्नो मन

तिम्रो पछ्यौरीमा अल्झाइदिएँ

तिमीले पनि त

चाल नपाएजस्तो गर्‍यौ

र, सवैको आँखा छलेर

त्यसलाई छातीमा टास्यौ

प्रिया,

मेरो मनलाई

सम्हालेर राख है!



हो,

मलाई थाहा छ

बाटाहरु सजिला छैनन्

साँघुरा गल्लीहरुमा

तिमीले सामना गर्नुपर्ने

साँघुरिएका मनहरु

अनि,

एकोहोरो तिमीतर्फ केन्द्रीत

तिनका कुटिल नजर....



पक्कै पनि

बाटाहरु सजिला छैनन्



तर प्रिया,

म त मन बाँच्छु

आँखाले होइन

मनले हेर्छु

कानले होइन

मनले सुन्छु

मस्तिष्कले होइन

मनले सोच्छु

बाहिरवाट हेर्दा

जस्तो देखिएपनि

वास्तवमा

म एउटा मन हुँ

......मात्र मन

र,

अहिले त्यो मन

तिम्रो पछ्यौरीमा

अल्झिएको छ

प्रिया,

त्यसलाई

सम्हालेर राख है !

Bibhor Baral