Ghazal

कृष्ण के सी “छाल”

परदेशबाट कति लेखे चिट्ठी हजुर खाम खामको त कुरै छोडौ
टिकट मैले कति किने किने हजुर दामको त कुरै छोडौ

धेरै धाउने गर्थै हजुर हुलाक तिर पत्र हाल्ने बाहानामा
हुलाकमा भिड पनि कति कति हजुर लामाको त कुरै छोडौ

सत्य सत्य फुर्शद मैले पाइन हजुर कहिले पनि
भोकै त कति बस्नु पर्यो पर्यो हजुर मामको त कुर छोडौ

हरेक रातको अनिदोले दिनमा सधैं निद्रा लाग्थ्यो
त्यही कारणले कति छोडे छोडे हजुर कामको त कुरा छोडौ

कति बसे प्रतिक्षामा जवाफ आउने आशा गरी
यही आशाले कति फेरे फेरे हजुर नामको त कुरा छोडौ

- पाला २ खहरे
बगुलुङ नेपाल